RMN DYRI ILOILO LIVE STREAMING

Audio Only
Video Only

Transport strike hiwaton sa May 22-23

STRIKE

ILOILO – Pagahiwaton na sa maabot nga Lunes kag Martes, Mayo 22 tubtub 23 ang duha ka adlaw nga transport strike batuk sa Jeepney Modernization Program sang LTFRB.

Ini ang ginkumpirmar ni Boyet Parcon, presidente sang Iloilo City Loop Alliance of Jeepney Operators and Drivers Association ukon ICLAJODA.

Suno kay Parcon nga gintalana nila sa nasambit nga petsa ang transport strike base sa desisyon sang ila mga miyembro.

Ginkasa sang transport groups ang duha ka adlaw nga transport strike agud ipalab-ot sa LTFRB ang mabaskog nila nga pagpamatuk sa modernization program sang LTFRB kon sa diin iga-phase out na ang mga jeep nga nagaedad 15 anyos pataas kag ilisan sang bag-o nga mga units.

Ginapanindugan sang transport groups nga daku ang epekto sini sa palangabuhian sang mga magagmay nga operators sang jeep kabangdanan nga ila hugot nga ginapamatukan.

#TatakRMN
(Mags)

Share and Enjoy

Leave a Reply

Your email address will not be published. Required fields are marked *