RMN DYRI ILOILO LIVE STREAMING

Audio Only
Video Only

Mayor Centena nagpahayag nga miembro sang PDEA ang naglink sa iya sa listahan bilang drug protector

ACC

ILOILO – Gintudlo karon ni Mayor Alex Centena sang Calinog, Iloilo ang isa ka miyembro sang PDEA nga amo ang yara sa likod sang pag-link sa iya sa illegal nga druga.

Ini ang pahayag ni Centena matapos gin-clear siya sang Police Regional Office 6 kag sang Iloilo Provincial Police Office sa illegal drug trade.

Iya man ginpahayag nga nangin bukas sa mga imbestigador ang iya kabuhi kabangdanan nga napamatud-an niya sa mga ini nga wala siya sang kaangtanan sa ilegal nga druga.

Iya ginpaathag nga natukiban niya nga ang PDEA member nga si Abe Limos amo ang yara sa likod sang paglamita sa iya sa isyu bangud sa dumot kag politika.

Gintudlo sini si Limos nga naka-away niya angut sa 50 ektarya nga duta sa banwa sang Dueñas kon sa diin nagpabor sa iya ang desisyon sang korte.

Ini man ang rason nga suno sa iya gin-lamita siya sini sa ilegal drugs ni Limos kabangdanan nga isa siya sa mga nalawagan sadto ni pangulong Rodrigo Duterte nga protector sang ilegal nga druga.

Share and Enjoy

Leave a Reply

Your email address will not be published. Required fields are marked *