RMN DYRI ILOILO LIVE STREAMING

Audio Only
Video Only

4 ka jail guards sang BJMP-Nanga, Pototan, ginrelieve

ipij

ILOILO – Ginrelieve sa Bureau of Jail Management and Penology ukon BJMP- Nanga, Pototan ang apat ka wala ginhingadlan nga mga jail guards.

Suno kay Jail Sr. Inspector Abner Zamora, warden sang BJMP- Nanga, ang relief order ang halin sa Regional Office samtang padayon ang imbestigasyon nga ginahimo nga nagsugod pa sang Lunes nga adlaw angut sa report sang Police Regional Office 6 nga halin sa sulod sang amo nga prisohan ang mandu sa pagpalapta sang iligal nga droga sa guwa.

Ini matapos nadakpan ang pila ka babaye sa buybust operation sa sulod sang lodging house sa diin ila gintudlo ang priso sang BJMP-Nanga nga si Jan Mark Pineda amo ang nagatawag sa ila kun diin kuha-on ang shabu kag i-deliver sa Iloilo kag Capiz.

Nadugangan pa gid ini sang may nadakpan nga babaye sa Barotac Nuevo sa diin gintudlo man sini ang BJMP-Nanga nga amo ang iya source.

Kadungan man sini ang paglupok sang balita nga may raket ang pila ka jail guards nga ‘cell phone for hire’ kabaylo sang P1,000- P5,000 ang kada oras para sa mga inmates nga involve sa iligal nga droga.

Dugang pa ni Zamora, atubangon sang apat ka ginrelieve nga jail guards ang imbestigasyon kun may sala sila ukon wala.

Share and Enjoy

Leave a Reply

Your email address will not be published. Required fields are marked *