RMN DYRI ILOILO LIVE STREAMING

Audio Only
Video Only

Pamilya Namud, handa nga magpasaka sang kaso sa ulis nga nagluthang-patay kay Junjun Namud

police

CONCEPCION, Iloilo – Pangitaon sang pamilya Namud ang hustisya sa pagpatay kay John Barrios Namud alyas Junjun sang Biyernes sang gab-i sa barangay Loong, Concepcion.
Ini ang ginpahayag ni Mrs. Daryl Navarro Namud, asawa sang biktima nga nakakita gid sa insidente.
Suno kay Mrs. Namud nga magapasaka sila sang kaso batuk sa pulis nga si PO1 JV Longno nga nagluthang patay sa iya bana.
Nahibaluan nga napilasan man tuga sang pagluthang ni Longno ang iya pakaduha nga si Lindy Franco alyas Kano .
Suno kay Mrs. Namud nga nag-ugat ang insidente sang ginbalibaran na sang ila tinawo sa videokehan nga magkanta ang grupo ni Longno bangud lapaw na sila sa curfew hour nga ginkaakig sang pulis kabangdanan nga ini ang nagmauy kag ginluthang ang mga biktima.
Sa pihak nga bahin, ginpat-od sang Police Regional Office nga manabat kag magapangatubang sang kaso kriminal kag administratibo si JV Longno sang regional public safety battalion nga nakabase sa coal fired power plant sa Loong, Concepcion.
Ini ang ginpahayag ni PRO-6 Spokesman Supt. Gilbert Gorero sa ton nga mapamatud-an nga ini ang una nga nagtuga sang gamo nga gintunaan sang pagluthang sini sa napatay nga biktima nga si John Namud kag pagkapilas ni Lindy Franco alyas Kano.
Suno kay Gorero nga magahimo sang maid-id nga imbestigasyon ang Kampo Delgado sa natabu may reklamo man ukon wala sa bahin sang pamilya sang mga biktima.
Ginhatagan pagtamod ni Gorrero nga ang sin-o man nga nakahimu sang krimen ang dapat gid manabat sa kasuguan.

Share and Enjoy

Leave a Reply

Your email address will not be published. Required fields are marked *