RMN DYRI ILOILO LIVE STREAMING

Audio Only
Video Only

10 wheeler truck, gin-arado ang apat ka motor— isa patay!

ceres

PASSI CITY – Gin-arado sang ten wheeler tanker truck ang apat ka mga motorsiklo nga naga-helera sa guwa sang eskuwelahan sa siyudad sang Passi pasado alas 3 kahapon sang hapon kon sa diin isa ka tawo ang nadalasa kag napatay.

Ginkilala ang napatay nga biktima nga si Manolo Morillo, legal ang pang-edaron kag pumuluyo man sang nasambit nga siyudad.

Ginpahayag ni Police Supt. Ruby Gumban, Hepe sang Passi City PNP nga nagapungko sa iya motorsiklo si Morillo samtang nagahulat sa iya bata sa guwa sang eskuwelahan sang gindalasa ini sang truck lakip na ang apat ka mga motorsiklo ng gintunaan sang kamatayon sini.

Gindugang pa ni Gumban nga nadulaan sang preno ang truck kabangdanan nga wala makontrol sang driver ang manibela.

Yara naman sa custody sang Passi City PNP ang driver sang nasambit nga truck nga ginapanag-iyahan ni Jenny Chu sang banwa sang Leganes.

Share and Enjoy

Leave a Reply

Your email address will not be published. Required fields are marked *