kinahanglan naman magpatigayon sang people power kontra dengue.//
ini ang ginhatagan pagtamod ni dr. socorro quinion, ang chief sang iloilo provincial health office angut sa padayon nga nagataas sang kaso sang dengue.//
suno kay quinion nga humalin sang enero 1 tubtub hunyo 16, naka-record ang ipho sang 629 ka kaso sang dengue sa probinsya sang iloilo kon sa diin 12 na ang napatay.//
nagtaas ini sang 279% ikumparar sa amo man nga period sang nakaligad nga tuig.//
mas mataas man ini ikumparar sang 2010 nga may masobra lamang sa 470 ka kaso kag anum ang patay kon sa diin gindeklarar pa ang probinsya sa idalum sang state of calamity.//