DUHA KA PAGLUPOK SA SEPARADO NGA LUGAR SA SIYUDAD SANG ILOILO, NAGPUHAG SA MGA PUMULUYO.

napuhag ang tanan sa panimalay sang ugangan ni lapaz pnp chief, police chief inspector alexander rosales kahapon sang kaagahon matapos isa ka nagakarab-karab nga mitsa ang ginhaboy sa ila balay.
pasado ala una sang kaagahon sang isa mitsa ang ginhaboy snag wala pa makilal-an nga mga suspects sa balay ni rosales sa st. joseph st, brgy cubay, jaro apang maswerete nga nag-igo sa pader kag wala sang may nahalitan.
suno kay rosales, wala ini sang madumduman nga kontra kag indi man ini magpati nga may kaangtanan sa nagluntad man nga paghaboy sang kasubong nga explosives sa balay ni mercedes nava sa mandurriao sang amo man nga aga.
samtang, nagkinaran-karan ang panimalay kag mga kaingud ni mercedes ging-ging nava sang distrito sang mandurriao matapos duha ka improvised bomb ang naglupok sang ginhaboy sa iya ugsaran kahapon sang kaagahon.
las 2:30 sang aga sang isa ka auto nga wala sang plate number ang nagpundo kag amo ang ginatudlo nga naghaboy sang duha ka botelya nga may unod nga gas kag nasindihan na pasulod sa ugsaran sang pamilya nava kung sa diin, gilayon nga naglapta ang kalayo.
gilayon ini nga ginpalong sang mga obrador sa sulod sang compound kag gintawgan sang bureau of fire.
ginatudlo ni ging-ging nava nga may kahimuan sa kalakasan ang pakaisa man lang sini nga si iloilo city councilor atty plaridel nava.
sa karon padayon pa nga gina-imbestigahan ang duha ka insidente agud mahibaluan kung may kaangtanan ang mga ini sa isa kag isa.

Share and Enjoy

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>