ELEVATOR SA BAG-O NGA CITY HALL, NAGPALYA, MGA NAGASAKAY NAGPANIC.

nagpanic ang pila ka mga tawo nga na-trap sa elevator sang bag-o nga iloilo city hall.//
ini matapos mag-stock up ang elevator number 1 sang pila ka minutos sa 5th floor kon sa diin nagkinagula ang mga nagasakay nga tawo.//
magluwas diri, nagpanic man ang mga yara sa guwa kon sa diin ginpuwersa sang mga ini nga mabuksan ang elevator kabangdanan nga nadislocate ang puwertahan sini.//
ginpahayag naman ni building administrator victor facultad nga ila na ginpalab-ot sa contractor sang nasambit nga pasilidad agud ma-reprogram.//
nahibaluan nga makapila ka beses na nga nagapalya ang elevator number 1 sa bag-o nga city hall building.//
samtang, ginatugyan na gid lamang ni mayor jed patrick mabilog kay building administrator victor facultad ang pagresolbar sang nagapalya nga elevator sa bag-o nga city hall building.//
suno kay mabilog nga ang kasubong nga mga problema ang yara na sa pagsolbar sang building administrator kag sa mga experto sa nasambit nga pasilidad.//
nahibaluan nga responsibilidad pa sang contractor ang pagpasiguro sang kaledad sang pasilidad sang bag-o nga city hall building bangud wala pa ini maturn-over sa siyudad.//
suno kay mabilog nga indi magbayad ang siyudad sa contractor kon indi masolbar ang amo nga problema.//

Share and Enjoy

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>