Pangayo-an sang assessment ni Governor Arthur Defensor si Iloilo Provincial Police Office Director, Sr. Sup.t Jil Lebin angot sa report nga pagbalik sang armado nga mga tawo sa banwa sang Sara.
Suno kay Defensor, wala pa ini sang nabaton nga report nga naggamo ang banwa sang Sara.
Nahibalu-an, gindugangan ni PRO6 Director, General Cipriano Querol sang isa ka platoon gikan sa Regional Safety Battalion sa syudad sang Victorias ang 4th Manuever Platoon sa banwa sang Sara bangod sa ginapahayag pagbalik sang mga armado nga grupo.
Madumdoman nga ginpatuman ni Querol ang selective gun ban sa pila ka banwa sang quinto distrito sang nagligad nga tuig bisan wala sang konsultasyon sa local government unit sa probinsya nga ginpakamala-ot man pati sang gobernador.