Ginsulod sang kawatan ang tatlo ka clinics sa dalan Quezon kaina sang kaagahon.
Una nga nadiskubrehan nga ginsalakay sang kawatan ang klinika ni Dr. Ruby Palacios sa J and B Building sa dalan Quezon kun sa diin nakuha ang laptop, dvd player, broadband connection kag external drive.
Ginsulod man ang mga klinika nanday Dr. Alma Mae Bedia kag Dr. Ma. Lorna Tupas kun sa diin, nakit-an ang marka sang mga magagmay nga kamot malapit sa puertahan sang mga klinika.
Ginapatihan nga isa ka grupo nga may kaupdanan nga kabataan ang responsible sa krimen.