Ginkalipay sang Radyo Mo Nationwide Iloilo ang pagbaton sini sang Social Media Award nagikan sa Radyo Mo Nationwide Network sa bag-o lang natapos nga 2011 RMN Nationwide Managers Conference nga ginhiwat sa Cagayan de Oro City.
Ang Social Media Award ang bilang pagkilala kag initiative sang RMN Iloilo sa pagamit sang social networking sites kapareho sang facebook kag twitter agud mapalapnag ang mga balita kag mapasangkad ang serbisyo publiko.
Ginbaton ni Station Manager Kasamang Ronel Sorbito ang plake kag cash award sa CDO samtang may yara sang palaabuton nga dugang nga benepisyo para sa mga empleyado sugod sa masunod nga tuig.
Ang award ang pirmado ni Mr. Eric Canoy ang CEO/ President sang RMN Networks kag Mr. Charley Canoy, ang Vice President for AM Operations sang RMN Networks.
Magluwas sa Social Media Award, napili-an man ang RMN Iloilo upod sa RMN Bacolod bilang Most Improved AM Station.