Nakuha ni Punong Barangay Simplico Subaldo sang Lanit, Jaro ang 80 mil pesos nga grand prize sa Parol-Making Contest sang RMN Iloilo.
1st runner-up naman ang entry ni Miss Diana Piodera sang Burgos, La paz kag iya nakuha ang 50 mil pesos nga cash, 2nd runner-up ang entry ni Jose “jojo” Orquolla sang Bagumbayan-Delgado, City Proper kag iya nakuha ang 20 mil pesos nga cash.
Nagbaton naman sang tag 5 mil pesos nga cash ang yara sa ika-4 tubtub sa 10 nga lugar nga ginalakipan sang entries nanday Jansen Feumon sang De La Rama Compound, Iloilo City; Punong Barangay Edwin Divinagracia sang Jaro nga may duha ka entries; Maricel Siverio sang Bolilao, Mandurriao; Claire Magarse sang North Baluarte, Molo; Jonalyn Shine Saloc; kag Tropical Boys sang Airport Mandurriao.
Nahibaluan nga 17 ang napilian bilang finalists sa Parol-Making Contest kon sa diin ginhatagan sang assured prized nga tag-2, 500 pesos ang mga ini.
Ginapasalamatan man sang RMN Iloilo ang Marymart Mall kag si Mr. Larry Jamora sa pagsuporta sa proyekto nga nagaduso sang proper waste disposal kag pag-showcase sang creativity sang mga Ilonggo.