Isa ang patay samtang 9 ang pilason matapos ginsungay sang jeep nga nagabyahe Igbaras, Iloilo ang puno sang kahoy kag kudal nga kawayan sa Brgy. Buyu-an, Tigba-uan, Iloilo las 11:15 kaina sang aga.
Ginkilala ang napatay kay Raymundo Payda, 77 anyus, residente sang Bgry. Litu-an Lupsag, Guimbal kun sa diin gindeklarar nga patay pag-abot sa Guimbal District Hospital.
Ang 9 ka pilason ginkilala nga amo sanday Rey Ilumba, 20 anyus, pumuluyo sang Brgy Lubanaga, Igbaras; Verna Dayaday, 56, sang Balantad st., Guimbal, Jennilyn Fusin, 48, sang Brgy. Sambag, Jaro, Iloilo City; Divine Delamar, 21, residente sang cabila-uan, Barotac Nuevo, Jerome Loriaga, 17, BS Marine student sang WIT; Marjolyn Embalsado, 45, sang Brgy. Lab-on, Igbaras; Marlyn Erme, 49, sang Brgy. Lab-on; Jonavic Gonzales, 23, residente sang Sinikway, Lapuz kag ang driver nga si Roland Celestial, 28 anyus tumandok sang Brgy Hobillar, Igbaras.
Nagpundo ang ginasundan nga salakyan sang jeep kabangdanan nga nag-overtake ini apang may sugata nga isa ka salakyan kabangdanan nga naglapaw ini sa karsada kag nagbunggo sa puno sang kahoy kag kudal nga kawayan.
Detain karon sa Tigba-uan pnp ang driver nga si Celestial kag magapangatubang sang nagakaigo nga kaso.