Ginpasalig ni Governor Arthur Defensor, Sr. nga indi paghimo-on negosyo ang mga district hospitals.
Ini ang ginpasalig ni Defensor angot sa ginaduso nga paghimo sang 11 ka district hospitals kag Provincial Hospital sa banwa sang Pototan nga Economic Enterprise.
Ginpahayag ni Defensor nga bisan mangin Economic Enterprise ang mga ospital, pagahatagan gihapon sang nagakaigo nga atensyon ang mga pigado kag mabaton gihapon sang mga imol ang ila mga benepisyo.
Magapadayon naman ang paghatag sang Provincial Government sang subsidy sa mga district hospitals.
Mayor nga katuyo-an sang gobernador sa pagduso nga himo-on Economic Enterprise ang mga ospital sang probinsya agud indi maglapaw ang Provincial Government sa 45% personnel service cap kag mahatag ang umento sa sweldo kag benepisyo sang mga health workers.