BORACAY, MALAY, AKLAN– Padayon nga gina-imbestigahan sang Bureau of Fire Protection ang sunog nga nagtupok sa 15 ka panimalay kag establisemento sa isla sang Boracay sang Dominggo nga adlaw.
Nahibaluan, ang sunog ang nag-umpisa sa balay ni Gerol Paulo sa Sitio Hagdan, Brgy Yapak las 10 ang takna sang aga kung sa diin, napalong ini pasado las 11 na sang udto.
Ginabanta nga naglambot sa 300 mil pesos ang halit nga gintuga sang sunog.
Madumduman, tuig 2005 sang kapin 200 ka pamalay kag establisemento ang nasunog sa Boracay matapos nabilin ang isa ka kandila sa balaligyaan sang tsinelas.