Masobra sa 500 mil pesos ang nakuha sang duha ka suspek nga naghold-up sa mga empleyado sang Rural bank of San Enrique -Dingle branch kahapon sang hapon sa banwa sang Pototan.//
Nagluntad ang insidente mga ala 1:30 sang hapon sa Brgy. Abangay sa amo nga banwa.
Ang mga biktima ginkilala nga amo sanday Roy Pineda, 28-anyos sang Brgy. Kasalsagan, Pototan kag Reynold Malfe, 52, sang Lapaz, Iloilo City, lunsay mga empleyado sang nasambit nga bangko.
Sakay ang mga ini sa motorsiklo agud magdeposito sang kwarta sa isa ka bangko sa Pototan apang pag-abot sa barangay Abangay, ginbanggaan sila sang duha ka mga suspek sakay sa pula nga motorsiklo.//
Gintayaan ang mga ini sang wala mahibaluan nga kalibre sang armas luthang kadungan sang pagdeklarar sang mga suspek sang hold-up.
Madasig nga nagpalagyo ang mga suspek sa wala mahibaluan nga direksyon matapos ang krimen.//
Napaslawan naman ang mga pulis nga madakpan ang mga suspek bangud wala ma-identify sang mga biktima bangod nakasuksok ang mga ini sang helmet.