ROXAS CITY – Patay ang isa ka mangunguma samtang pilason ang duha ka iban pa matapos ginluthang sang tatlo ka mga kalalakin-an gamit sang 45 kalibre nga pusil sa Sitio Masnang Agambulong, Jamindan, Capiz.
Dead on arrival sa ospital ang biktima nga si Artemio Givero Sr. matapos makaangkon sang patal nga pilas sa dughan kag tiyan sang gintiro nanday Romulo Florentino, Jobert Laurente kag alyas “Uwa” nga lunsay residente sang nasambit nga lugar.
Samtang gindala naman sa magkatuhay nga mga balay bululngan sanday Artemio Givero Jr. kag Cerelo Givero nga ginluthang man sang tatlo ka mga suspek.
Ginapatihan nga daan nga hiligut-anon angut sa duta ang motibo sang kremin.
Nahibaluan nga sanday Florentino kag Laurente ang wanted man sa kaso nga frustrated murder.(rmn-roxas)