Nakibot ang mga pumuluyo sang barangay Bolilao, Mandurriao matapos ila nasapwan ang isa ka fetus sa likod sang isa ka boarding house.//
Namutikan sang mga pumuluyo ang kinutkutan nga duta sa lugar kon sa diin gin-ukay sang mga ini kag nakit-an ang fetus nga nasulod sa plastic.//
Ginabanta nga mga anum ka bulan na ang nasapwan nga fetus.//
Sa pagpangusisa sang barangay officials natukiban nga isa ka 26 anyos nga babaye ang iloy sang fetus.//
Gin-ako naman sang babaye nga siya ang iloy apang ginpaathag sinbi nga nahulog ang fetus kabangdanan nga iya na lamang ginlubong sa likod sang iya boarding house agud malikaw sa kahuy-anan.//