Ginkakibot sang iya mga kaupdanan sa regional office sang dept of agrarian reform ang paghikog ni eduardo balino, acting municipal agrarian reform officer sang bacolod kag hepe sang provincial planning and monitoring division.
suno kay ronald teves, information systems analyst sang dar, wala sila sang ideya nga may yara sang ginadala nga problema si balino bangud maamiguhon ini nga tawo kag seryoso sa iya trabaho.
ulihi ini nga nakit-an sa ila talatapan sa bacolod sang june 10 kag nagpauli sa probinsya sang iloilo sang weekend.
samtang,kumbinsido ang barotac nuevo pnp nga nag hikog ang acting municipal agrarian reform officer kag hepe sang provincial planning and monitoring division sang syudad sang bacolod nga si balino.
suno kay police chief inspector ronnie brilio, hepe sang barotac nuevo pnp nga wala sang indikasyon sang foul play nga may iban nga tawo ang nag patay kay balino.
sa pihak nga bahin, gin pagwa na sa presuhan ang driver nga si roger gallego sr. Matapos nga gin hold sang pulis agud imbestigahan.
base naman sa dugang nga imbestigasyon, problema sa ubra ang gina tan-aw nga motibo sa paghikog ni balino bangud sa mga mensahe nga nabasahan sa iya kaugalingon nga cellphone.
aminado man ang asawa ni balino nga ginbatyag sang iya bana ang iya nga problema sa trabaho.