BALAY SA ANTIQUE, GINAPATIHAN NGA GINSUNOG SANG MGA DUWENDE.

Nagtuga sang kahadlok sa pamilya Escanilla sa Brgy. Mohon, San Jose sa probinsya sang Antique ang hinali lamang nga pagkasunog sang pila ka bahin sang ila balay.
Suno kay Ginang Nelfa Escanilla, una nga nasunog ang atop sang ila balay sang Lunes sang aga kon sa diin natingala sila kon sa diin naghalin ang kalayo bangod wala man sang nabayaan nga kalayo sa dapog ukon dabok man sa guwa sang ila balay.
Labi nga natingala ang pamilya sang masundan ang hitabo sang Martes kon sa diin ang dingding naman sang balay ang nasunog kag sang Miyerkules sang aga hinali lang nga nagkalayo ang kalendaryo nga nasab-it sa ila dingding.
Nagpalanindog ang balahibo sang mga ini sang mag-estorya ang apat ka tuig nga apo sa pamilya nga ang duwende sa likod sang ila balay ang may kahimuan sang pagpangsunog.
Suno sa ginang nga antis ang hitabu, masami nga nagapadulong sa likod sang ila balay ang iya apo kag nagadala sang pagkaon.
Bangud sini, nagdangop ang pamilya sa isa ka arbularyo nga nagkumpirmar nga may mga duwende nga naga-estar sa bungyod sa likod sang ila balay.
(note: luyag niyo sang dugang nga istorya angut sa duwende? magpamati sa MUNDO MISTIKO, alas 6 tubtub alas 6:30 kada gab-i sa RMN iloilo)

Share and Enjoy

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>