Patay ang amay kag 10 ka bulan nga lapsag sa aksidente sa dalanon sa Bagacay, Pototan, Iloilo las 9 ang takna sang sabado sang gab-i, adlaw sang paskua.
Patay si Nolly Osano, 27 anyos kag anak sini nga 10 ka bulan ang edad samtang confine sa ospital ang iya ti-ayon nga si Berlie Osano samtang menor nga kapilasan naman ang naangkon sang iya utod nga si Nilo Osano, 30 kag Flora Mae Pastrana.
Nahibaluan nga si Nolly ang nagadrive sang motorsiklo kon sa diin kaupod sini nga napatay ang ila anak nga nabutang sa baby carrier nga natapik sa iya lawas.
Nagasakay sa motorsiklo ang lima pauli sa ila balay sang aksidente nga ginhampak sang salandigan sang de pasahero nga jeep nga nabutang sa ibabaw sang atop nga ginapatihan nga nakakas bangod halog ang paghigot sini.
Nadakpan naman ang driver sang PUJ nga si Rey Laquete nga kasimaryo man sang mga biktima apang hugot sini nga ginpanginwala ang responsibilidad sa aksidente.