PROBINSYA SANG ANTIQUE- Bangud sa hazing, nabugtuan sang intestine ang isa ka criminology student nagikan sa probinsya sang antique.
Gindala sa hospital ang 19 anyos nga si June R. Ambrosio sang brgy. Pangpang, Sibalom, Antique matapos mag-angkon sang pagpalanakit sang tiyan.
Una nga nagreklamo sang pagpalanakit sang tiyan ang biktima apang natukiban sang gindala sa ospital nga naga-internal bleeding na ini bangud sa pagbululag sang iya nga intestines.
Ginpahayag sang biktima nga dose oras ini nga nagpaidalom sa initiation rites para makasulod sa grupo nga K-cube, isa ka organisasyon sang mga estudyante nga nagakuha sang kurso nga BS Criminology.
Nahibaluan, ginareklamo man sa karon sang ginikanan ang naga-imbestigar nga kapulisan bangud sa pagpatumbaya sa imbestigasyon bangud kalabanan sa ila ang mga anay myembro man sang K-cube.
Padayon naman nga ginabulong sa ospital ang biktima.