ISA KA BARKO SANG MGA ASWANG, NAGDUNGKA SA ISA KA BANWA SA PROBINSYA SANG ILOILO.

Isa ka barko nga lunsay mga ASWANG ang karga ang ginpahayag nagdungka sa puerto sang banwa sang dumangas, iloilo.//
ini ang nagalagaw karon nga balita sa nasambit nga banwa matapos maglapta ang text message nga nagasiling nga nagdungka ang isa ka barko nga ginasakyan sang mga aswang.//
samtang ginkadlawan lamang ni mayor onal golez sang dumangas ang nasambit nga balita kag ginpahayag nga wala sang kamatuoran.//
suno kay mayor golez nga sang una pa nga panahon nangin bantog na ang banwa sang dumangas nga may mga aswang apang wala pa man napamatud-an.//
gindugang pa ni mayor golez nga kon matuod gid man nga may aswang sa dumangas, indi na nila kinahanglan mag-import sang aswang sa iban nga lugar kasubong sang naguwa nga balita.//
sa pihak nga bahin, ginhatagan pagtamod ni golez nga wala nagapang-yanggaw ang taga-dumangas agud mangin aswang, kundi nagapang-yanggaw sila sang mga dumuloong pinaagi sa mga manamit kag preska nga seafoods kon sa diin ginabalik-balikan ini sang mga nakatilaw.//
nahibaluan nga nangin bantog ang dumangas nga isa sa mga banwa sa iloilo nga may madamo sang aswang.

Share and Enjoy

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>