duha pa lamang ka adlaw nga naga-renta sa isa ka balay sa distrito sang lapaz ang third year college student nga si SHANE, apang daw indi na ini magdugay.//

        ini bangud sa pagtublag sa iya sang ginapahayag ASWANG sa tagsa ka gab-i.//

      suno kay shane, nga sa una  nga  gab-i sang iya pagtener sa nasambit nga balay, iya nabatyagan nga may naghugpa nga daw isa ka daku nga sapat sa ibabaw sang atup kon sa diin nagupi gid ini.//

       gindugang pa sini nga liwat ini nga nasulit sa ikaduha nga gab-i.//

       samtang, ginpahayag ni shane nga antis pa siya mag-renta sa  balay, nakabati na siya sang istorya  nga wala sang may nagadugay nga mga naga-renta diri bangud sa pagtublag man sang ginapahayag ASWANG.//

      apang base sa paranormal expert nga nagpadulong sa amo nga balay agud lantawon ang sitwasyon, makabig nga palhi ang lugar nga ginatindugan sang balay kag posible nga kapre, kama-kama, agta, ukon tamawo ang nagatuga sang indi kinaandan nga gahod tagsa ka gab-i nga nagatublag sa  naga-istar diri.

         suno sa experto nga dapat maghalin sa amo  nga balay ang  naga-istar  diri bangud nagabalos ang mga maligno nga natublag sang ginpatindug ang nasambit nga balay.// (sspunay, 03jul10)