25 ANYOS NGA LALAKI, NAG-ENROLL SA DAYCARE SA SIYUDAD SANG ILOILO.

           ang kinaalam bunga sang edukasyon ginakabig nga pinakamalahalon nga butang nga sarang mapapanubli sang mga ginikanan sa ila mga kabataan.//

          apang bangud sa kapigaduhon, may mga ginikanan nga indi gid makasarang sa pagpa-eskuwela sang ila kabataan kag nagadalagku lamang nga wala nakatungtong sa eskuwelahan kag wala gid sang tinun-an.//

         sa pihak sini, may  mga kabataan nga sa pihak sang kapigaduhon, nagatinguha gid nga makatuon kag makatapos sang kurso.//

         ini man ang  handum sang 25-anyos nga lalaki sang barangay ingore, lapaz nga si rhod adorio nga  nalab-ot lang ang ini nga edad apang wala gid makatapak sang eskuwelahan.//

        sa handum ni rhod nga makatuon sang pagsulat kag  sa simple nga handum nga mangin pulis, nag-enroll ini sa DAY CARE sa barangay villa anita, iloilo city.//

       natuman ang ini nga handum ni rhod matapos ginkupkop siya sang pamilya ni punong barangay marcelo alag sang barangay villa anita bangud sa iya pagliho-liho sa siyudad.//

       tuman gid ang kalipay ni rhod bangud natuman na ang madugay niya nga handum nga maka-eskuwela kag handa siya  nga matapos ang pagtuon bisan tigulang na siya  kag wala siya nahuya nga lunsay mga bata ang iya mga classmates.//(sspunay, 03jul10)

Share and Enjoy

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>